Diversi maltempati fl-Awstralja wasslu għal xita kbira f’żoni milquta min-nirien, iżda l-awtoritajiet xorta wissew li l-kriżi tan-nirien fil-foresti għadha qed tippersisti u ma jfissirx li għax nieżla x-xita, issolviet.
Fil-fatt, minkejja x-xita, in-nar għadu għaddej f’aktar minn 80 żona madwar l-istati ta’ New South Wales u Victoria.
Melbourne u Canberra ntlaqtu minn maltemp qawwi b’silġ kbir ta’ daqs li qed ikun deskritt bħall-blalen tal-golf, tant li saru mijiet ta’ talbiet għall-għajnuna minħabba l-borra kbira li nieżla.
