Il-Korea ta’ Fuq u t’Isfel jisparaw missili f’ibħra viċin xulxin

Għall-ewwel darba, il-Korea ta’ Fuq u l-Korea t’Isfel sparaw missili fl-ibħra, ftit kilometri ’l barra mill-kosti ta’ xulxin.

Il-Korea t’Isfel sparat tliet missili b’ritaljazzjoni ftit sigħat wara li l-Korea ta’ Fuq sparat missila li niżlet f’distanza inqas minn 60km ’il barra mill-kosta tal-Korea t’Isfel.

Ilbieraħ, il-Korea ta’ Fuq wissiet li l-Korea t’Isfel u l-Amerika se jħallsu l-ogħla prezz qares fl-istorja jekk ikomplu bl-eżerċizzji militari konġunti. Din it-theddida qed titqies li b’mod indirett, il-Korea ta’ Fuq tista’ tuża armi nukleari.