Il-Korea ta’ Fuq sparat erba’ missili mmirati fl-ibħra tal-Ġappun.
Huma ġew sparati mir-reġjun ta’ Tongchang-ri, qrib il-fruntiera ta’ Fuq taċ-Ċina.
Għadu mhux magħruf x’tip ta’ missili kienu.
Il-militari tal-Istati Uniti qalet li aktar kmieni saret taf li ġew sparati xi missili u wara li segwewhom, sostnew li l-Istati Uniti ma tinsabx fil-periklu.
Din hi waħda fost bosta missili li f’dawn l-aħħar xhur ġew sparati f’sensiela ta’ provi.
