Il-Korea ta’ Fuq tispara missila viċin il-Ġappun qabel laqgħa bejn il-Ġappun u l-Korea t’Isfel

Il-Korea ta’ Fuq sparat missila ftit siegħat qabel il-mexxejja tal-Ġappun u l-Korea ta’ Isfel iltaqgħu f’laqgħa sinifikanti.

Rapporti juru kif il-missila taret elf kilometru minn Pyongyang, u niżlet fil-baħar fil-Punent tal-Ġappun.

Din kienet ir-raba missila li sparat il-Korea ta’ Fuq f’ġimgħa, u hija maħsuba wkoll bħala rispons għall-operazzjonijiet militari li qed iseħħu bejn l-Istati Uniti u l-Korea t’Isfel.

Dawn l-azzjonijiet provokattivi se jkunu fuq quddiem nett tal-aġenda fil-laqgħa ta’ bejn il-Ġappun u l-Korea t’Isfel, liema laqgħa hija l-ewwel waħda tax-xorta tagħha fi tnax-il sena.