Il-Korea ta’ Fuq sparat missila ballistika interkontinentali, liema operazzjoni falliet, skont il-militar tal-Korea t’Isfel.
It-tnedija tal-missila, is-seba’ waħda mill-Korea ta’ Fuq din is-sena, qanqlet stat ta’ allert fil-Ġappun – iżda l-missila niżlet fil-baħar.
It-tensjoni qed tiżdied fost il-biża’ li l-Korea ta’ Fuq dalwaqt se twettaq test nukleari.
Ilbieraħ, kemm il-Korea ta’ Fuq kif ukoll il-Korea ta’ isfel sparaw missili qrib l-ibħra. Dan l-iskambju ra l-akbar numru ta’ missili mnedija mit-tramuntana f’ġurnata waħda.
Dan l-att mill-Korea ta’ Fuq sseħħ hekk kif l-Istati Uniti u l-Korea t’Isfel qed iwettqu l-akbar eżerċizzji tal-ajru konġunt li qatt sar. Pyongyang ikkritika dan l-eżerċizzju bil-qawwa, u sejħitlu bħala “aggressiv u provokattiv”.
