Il-Knisja Parrokkjali tal-Isla se tinawgura r-restawr li sar lill-Kurċifiss storiku l-Ġimgħa. Il-Kurċifiss, li jġorr sinifikat qawwi kemm qaddis kif ukoll kulturali għall-komunità tal-Isla, se jkun espost fl-Oratorju tal-Konfraternità tal-Kurċifiss Qaddis, flimkien ma’ dettalji fil-proċess ta’ restawrazzjoni li għadda minnha mill-kumpanija Atelier Del Restauro u Heritage Malta.
Il-Kurċifiss kien inġieb minn Ruma fl-1736, wieħed u għoxrin sena wara li twaqqfet il-Konfraternità fl-Isla u minn dakinhar kien il-punt prinċipali tal-Oratorju ddedikat lill-Passjoni ta’ Kristu.
Il-moħħ wara l-proġett tal-Kurċifiss kien Francesco Varios, membru tal-Konfraternità tal-Kurċifiss Imqaddes, li spiċċa biex jiffinanzja dan il-kapolavur kif ukoll it-trasport tiegħu lejn pajjiżna, għalkemm l-artist baqa’ mhux magħruf sal-lum il-ġurnata.
Dan hu wieħed mill-aqwa eżempji f’pajjiżna ta’ Kurċifissi tas-Seklu 18, li nġiebu jew ġew ikkummissjonati minn Ruma mill-awtoritajet parrokkjali lokali f’dawk iż-żminijiet.
