Raġel li kien sejjer lejn Istanbul it-Turkija, inqabad b’€16,540 mhux dikjarati ġewwa l-Ajruport Internazzjonali ta’ Malta.
Dan il-passiġġier inqabad mid-Dipartiment ta’ Kontra l-Ħasil tal-Flus u d-Dipartiment tal-K9 Unit, li bis-saħħa tal-kelb Peter qabad din is-somma ta’ flus.
Meta mistoqsi kemm kellu flus, il-passiġġier wieġeb li għandu madwar €5,000, iżda meta l-uffiċjali tad-Dwana għamlu t-tfittxijiet sabu li hemm €16,540.
Il-passiġġier qabel li jħallas il-multa neċessarja, biex ma jitlax quddiem il-Qorti
