Il-katavru ta’ Marzia Maatouk lura f’pajjiżna biex tingħata l-aħħar tislima

Il-katavru ta’ Marzia Maatouk inġieb lura f’pajjiżna lbieraħ filgħaxija, wara ħafna sforzi mill-familja tagħha, biex għada se tkun qed tingħata l-aħħar tislima.

Fl-aħħar ta’ Mejju li għadda, Malta nħasdet bl-aħbar tal-mewt tal-Maltija ta’ 26 sena, li nstabet mejta fil-Libja, wara li kienet irrapportata nieqsa, flimkien mas-sieħeb tagħha Jomic Calleja Maatouk.

Jomic kien arrestat mill-awtoritajiet Libjani ftit qabel nhar l-24 ta’ Mejju.

Dan kollu seħħ wara li l-koppja kienet qegħda tiġi mfittxija mill-awtoritajiet Libjani u dawk Maltin.

Għall-funeral, il-familja ta’ Marzia talbet biex tinżamm il-privatezza, filwaqt li rringrazzjat lil dawk kollha li kienu magħhom f’dan iż-żmien tant diffiċli.