Karru b’differenza fit-toroq tal-Belt Valletta. Apparti l-karrijiet magħmulin mill-kartapesta, il-Karnival ta’ din is-sena se jkun qed jara wkoll karru magħmul mill-ħelu.
Ix-xogħol fuq dan il-karru ilu għaddej mill-bidu ta’ din is-sena u anke jekk jidher faċli mal-ewwel lemħa, ċertament li ma kienx il-każ.
Tkellimna ma’ Noel Borg, li huwa l-moħħ ewlieni wara dan il-karru.
Spjegalna kif it-tema magħżula għal karru ta’ din is-sena hija “Tisħitnix għax Naqa” u prattikament huwa ktieb li minnu joħroġ il-passat u l-preżent ta’ min qed jaħdem f’ġieħ il-Belt Valletta.
