Kull sena ġġib magħha repertorju ta’ mużika u din is-sena ma kienet xejn inqas.
Din is-sena, kienet fost l-oħrajn, iddominata mill-kanzunetta ‘Flowers’ tal-kantanta Miley Cyrus, li laħqet il-quċċata ta’ diversi klassifiċi.
Escapism, bil-vuċi tal-kantanta Raye, ukoll kisbet suċċess fil-klassifiċi.
Il-kantanta u kantawtriċi Taylor Swift, naqqxet isimha fuq il-klassifiċi, permezz tal-kanzunetta ‘Anti-Hero’, fost l-oħrajn.
Miracle, bil-vuċi ta’ Ellie Goulding, u s-sehem tad-DJ Calvin Harris, kienet ukoll fost il-kanzunetti favoriti tul is-sena 2023.
SZA, bil-kanzunetta Kill Bill, ukoll kisbet riżultati pożittivi ferm.
Il-kanzunetta tal-film Barbie, fosthom ‘What Was I Made For?’, bil-vuċi ta’ Billie Eilish, u ‘Dance the Night Away’, ta’ Dua Lipa, ukoll kienu fost il-favoriti fil-klassifiċi għal din is-sena.
Il-kantanta żagħżugħa, Tate McRae, ukoll kisbet suċċess tul din is-sena, permezz tal-kanzunetta ‘Greedy’.
Tul din is-sena, diversi kantanti kienu għaddejjin ukoll bit-tours tagħhom, fosthom Beyoncè bit-tour Renaissance.
Il-kantant, The Weeknd żar l-Ewropa, bit-tour After Hours.
Dan filwaqt li l-kantanta Taylor Swift, issoktat bit-tour tagħha, bl-isem ta’ the Eras Tour, li se jissokta fl-Ewropa tul is-sena li ġejja.
L-istess jista’ jingħad għall-band Coldplay, li anke diversi Maltin, għażlu li jmorru barra minn xtutna biex jisimgħu s-siltiet tagħhom.
Barra minn hekk, pajjiżna huwa mistenni wkoll li jilqa’ diversi kantanti rinomati, fosthom Ed Sheeran, bil-kunċert li se jtella’ f’pajjiżna.
