Il-pożizzjoni tal-Kanċillier Ġermaniż Olaf Scholz saret aktar dgħajfa meta l-maġġoranza tal-Parlamentari rtiraw il-fiduċja tagħhom fih, li hu l-ewwel stadju biex tissejjaħ elezzjoni bikrija li mistenni jitlef.
Il-vot, li kien pass essenzjali biex jinbeda l-proċess ta’ elezzjoni bikrija, wasal wara li l-koalizzjoni ta’ tliet partiti ta’ Scholz waqgħet ix-xahar li għadda minħabba nuqqas ta’ qbil fil-baġit u l-ippjanar tal-infieq.
Scholz, li jmexxi l-Partit Soċjal-Demokratiku (SPD), qal lill-parlament li l-elezzjoni tippermetti liċ-ċittadini jiddeterminaw il-kors politiku tal-pajjiż. Il-Ħodor, parti mill-gvern ta’ minoranza ta’ Scholz, astjenew mill-vot.
Xi leġiżlaturi tal-lemin estrem fil-Partit AfD, li kienu wrew appoġġ għal Scholz, qed jibżgħu li s-suċċessur possibbli tiegħu, Friedrich Merz tas-CDU, jista’ jkabbar it-tensjonijiet mal-Ukrajna.
Scholz mistenni jiltaqa’ mal-President Frank-Walter Steinmeier aktar tard biex jipproponi x-xoljiment tal-Bundestag, b’elezzjonijiet li x’aktarx isiru sat-23 ta’ Frar li ġej.
L-aħħar Kanċillier Ġermaniż li tilef vot ta’ fiduċja fil-parlament kien Gerhard Schröder 19-il sena ilu.
