Il-Prim Ministru Kanadiż Justin Trudeau akkuża liċ-Ċina li ppruvat tindaħal fl-elezzjonijiet tal-pajjiż. Huwa insista li l-awtortitajiet f’Beijing qed jilgħabu “logħob aggressiv” mad-demokrazija, u li għandhom l-istituzzjonijiet Kanadiżi fil-mira tagħhom.
Il-midja lokali qed tirrapporta li l-intelliġenza Kanadiża identifikat “netwerk klandestin” ta’ kandidati appoġġjati minn Beijing fl-elezzjonijiet riċenti. Mill-inqas 11-il kandidat ġew appoġġjati miċ-Ċina fl-elezzjonijiet federali tal-2019, uffiċjali qalu lil Trudeau.
REKLAM
SKROLLJA BIEX TKOMPLI
Filwaqt li kkwota dawn uffiċjali tal-intelliġenza, ix-xandar lokali Global News irrapporta li Beijing kien idderieġa fondi lill-kandidati, u li l-operaturi Ċiniżi kienu aġixxew bħala konsulenti għal ħafna kandidati.
