Il-Kamra tal-Kummerċ tissieħeb ma’ esperti tad-diġitalizazzjoni

Il-Kamra tal-Kummerċ, l-Intrapriża u l-Industrija ffirmat kollaborazzjoni mal-kumpanija Convera, bil-għan li titmexxa d-diskussjoni u l-politika relatata ma’ ħlasijiet diġitali.

Marisa Xuereb, Il-President tal-Kamra ta’ Malta qalet t-teknoloġija hija waħda mill-ħames ewlenin tal-Kamra tal-Kummerċ, u allura l-Kamra hija kburija li qed tissieħeb ma’ esperti tad-diġitalizzazzjoni biex jimbottaw il-pagamenti diġitali bħala faċilitatur li jmexxi l-industrija ‘l quddiem.

Hija spjegat li l-Kamra tal-Kummerċ issa se tkun attrezzata aħjar biex tieħu rwol proattiv fi ħdan l-isfera tan-negozju, billi tippromwovi oqsma ta’ servizzi online sikuri, siguri u affidabbli għall-kummerċ.