Matul dawn l-aħħar jiem żgur li kienu bosta mid-dilletanti tal-futbol li semgħu bit-trasferiment ta’ Yannick Bolasie għal mat-tim ta’ Everton. Xi ħaġa li ftit jafu huwa li dan il-plejer kien jilgħab f’pajjiżna ftit snin ilu. Il-kollega Rodrick Zerafa ltaqa’ ma’ Calvin Sammut, żgħażugħ Malti li huwa ħabib mill-viċin ta’ dan l-istess plejer sal-llum il-ġurnata.
Calvin Sammut. Dan iż-żgħażugħ m’huwa ħadd ħlief ħabib personali tal-plejer ta’ Everton Yannick Bolasie. Il-ħbiberija ta’ Sammut ma’ Bolasie, jew kif isejjaħlu Calvin: Yannick, tmur lura madwar 9 snin, meta l-plejer kien jilgħab mat-tim Malti tal-Furjana.
