Il-gvern ta’ Macron jissupera vot ta’ sfiduċja

Il-gvern Franċiż baqa’ intatt wara li m’għaddiex vot ta’ sfiduċja fil-konfront tiegħu, liema vot kien imqanqal minn żieda fl-età tal-pensjoni.

Din iż-żieda fl-età tal-pensjoni qanqlet protesti kbar kontra l-gvern f’Pariġi, fejn 101 persuna ġew arrestati wara konfronti mal-pulizija.

Il-vot kellu 278 vot favur: 287 inqas mill-voti meħtieġa.

Kieku l-vot kien suċċess, il-President Emmanuel Macron kien ikollu jifforma gvern ġdid jew isejjaħ elezzjonijiet ġodda. It-tieni mozzjoni ta’ sfiduċja, imressqa mill-partit tal-lemin estrem ta’ Marine Le Pen, m’għaddiex lanqas.

Issa ż-żewġ voti fallew, l-abbozz kontroversjali li jgħolli l-età tal-irtirar se jsir liġi.

_{Ritratt: Getty Images}