Il-Gvern Spanjol se jkun qed ilaqqa laqgħa spċejali tal-kabinett sabiex ikunu approvati miżuri biex l-istess Gvern jieħu dirett kontroll tar-reġjun semi-awtonomu ta’ Katalunja.
Il-laqgħa ġiet tlett ġimgħat wara li r-reġjun organizza referendum kontroversjali tal-indipendenza, li kien iddikjarat illegali mill-Qorti Suprema.
Il-mexxej Katalan Carles Puigdemont argumenta li r-riżultat tar-referendum tah mandat biex ikompli t-triq tal-indipendenza.
Iżda l-Gvern Spanjol ma qabilx u qed jipprepara biex jieħu lura l-kontroll.
