Il-Gvern diġà ppreżenta fil-Parlament abbozz ta’ liġi li jitratta: cyberstalking u cyberbullying bħala reat speċifiku.
Ħabbar dan il-Ministru għal Ġustizzja Jonathan Attard, meta kien qed iwieġeb mistoqsija Parlamentari tad-deputat Laburista Ramona Attard.
B’Dr Attard staqsiet dwar każ irrapportat fil-midja li jinvolvi tfal sa 12-il sena.
Il-Ministru Attard spjega li l-Gvern qed jistudja wkoll reati oħrajn emerġenti fis-sigurtà diġitali, fosthom bħat-teknoloġija deepfake, identity theft u anki Business Email Compromise magħrufa wkoll bħala CEO Scams.
L-aħħar każ irrapportat huwa dak li juża t-teknoloġija Deepfake, li tuża l-intelliġenza artifiċjali biex toħloq videos jew stampi foloz, li jidhru realistiċi.
Spjega li dawn joħolqu kwistjonijiet etiċi u legali serji. B’dawn jistgħu jwasslu għal ħsara għar-reputazzjoni u tbatija emozzjonali.
Il-Ministru Jonathan Attard tenna li t-teknoloġija diġitali ġabet magħha sfidi ġodda fis-sigurtà u l-privatezza.
Intqal li l-għarfien u l-edukazzjoni huma importanti, iżda sostna li l-Gvern jemmen ukoll f’miżuri leġiżlattivi proattivi u qed iħares ukoll lejn l-esperjenzi ta’ pajjiżi oħrajn, ix-xejra fil-kriminalità u anke l-qafas legali neċessarju.
