Il-Prim Ministru qal li l-investiment fis-settur tas-saħħa hija kwistjoni ta’ kredibilità. Fil-leġislatura li għaddiet u fil-bidu ta’ din il-leġislatura, il-gvern għamel investiment fuq settur li fuqu deher il-piż taż-żmien, b’infrastruttura qed taqa’ biċċiet għax il-gvernijiet ta’ qabel għamlu investiment piecemeal, bla pjan strateġiku. Dak li qabel serva tajjeb lill-pajjiż, deher li issa ma kienx qed ilaħħaq mal-metodi ta’ management modern li hemm bżonn f’kull qasam.
Meta fetaħ id-diskussjoni fil-parlament dwar it-titjib fis-servizz tas-saħħa, Dr Muscat qal li l-mod kif sar it-tibdil sa issa fil-qasam tas-saħħa jixhed it-turnaround li qed jagħmel u se jibqa’ jagħmel il-gvern bl-għażliet li qed nagħmlu.
Qabel, il-mediċina out of stock kienet fuq nett tad-diskussjoninazzjonali għax is-sistema ma kinitx qed tiffunzjona fi żmien il-gvern nazzjonalista għax ma kienx hemm l-affarijiet baziċi ta’ kif kellha titmexxa din il-ħaġa. Il-kwistjoni, li qabel kien il-punt kruċjali tad-diskussjoniminn kujlħadd, illum huwa storja. Il-mediċini kienu jinxtraw skond il-flus: jekk m’hemmx flus ma jinxtrawx. Illum, permezz tal-vizjoni u l-istrategija tal-gvern laburista il-problema spiċċat darba għal dejjem.
Permezz ta’ prattiċi ġodda u investiment, naqsu wkoll il-listi ta’ stennija għal operazzjonijiet. Fadal xi jsir iżda n-nies jafu li llum l-istennija għal ħafna operazzjonijiet naqset drastikament.
Il-Prim Ministru qal li l-gvern qed jiġi akkużat li qed iwettaq xi sagrileġġ għax issieħeb mas-settur privat sabiex isir l-investiment fil-qasam tas-saħħa. Dr Muscat qal li din il-kritika twasslu jistaqsi x’inhi l-attitudni tal-Oppożizzjoni dwar is-settur privat u r-rwol tiegħu spiċjalement fil-qaassam tas-saħħa. Il-gvern daħħal lill-privat, bir-regoli ewropej, bħala imsieħeb strateġiku tiegħu f’kull mod possibbli, “ Involvejnieh u se nkomplu ninvolvuh is-settur privat,” enfasizza l-Prim Ministru. L-Oppożizzjoni għadha temmen fil-public-private-partnership? L-Oppożizzjoni qed tiddemonizza kull ħaġa li jagħmel il-gvern. “L-argumentazzjoni hija alluċinati!”
Huwa qal li gvern nazzjonalista daħħal lis-settur privat fis-settur tas-saħħa. L-akbar involimewnt tal-privat kien fil-kura tal-anzjani, fejn flok jibni djar u sptarijiet qallu ibni inti u nixtru s-sodod mingħandek. Mhux hemm biss iżda saħansitra ħalla f’idejn il-privat biex jimmaniġġja d-djar tal-anzjani tal-gvern stess. Dak inhar ħadd ma tkellem. Anqas fis-settur tal-anzjani ma trid is-settur privat issa l-oppożizzjoni? staqsa.
Il-kritika għamja tal-Oppożizzjoni ddur ma’ punt bażiku, dak ta’ prinċipju. Tal-Oppożizzjoni ma jafux fhiex għadhom jemmnu. Affarijiet li fi żmienhom kienu tajbin issa llum sar ħżiena. Il-kritika tagħhom twassal biex juru li l-privat huwa ħażin.
Il-Prim Ministru qal ukoll li parti sħiħa mill-kritika li qed issir hija bażata fuq premessi żbaljati. Min qed jgħid li l-gvern ikollu jħallas 80 miljun ewro biex jieħu lura l-isptarijiet mhu qed jifhem xejn. Il-konsorzju se jinvesti wkoll 90 miljun f’tagħmir u 40 miljun ewro fuq manutenzjoni – b’kollox 300 miljun ewro. Il-gvern m’għandux minn fejn joħroġ dal-flus f’daqqa jekk ma jiżdidux it-taxxa.
Qed inġibu l-investiment mingħand il-privat biex nirranġaw l-Isptar San Luqa li huwa magħluq, l-Isptar Karen Grech abbandunat, u l-isptar ta’ Għawdex mhux ta’ livell.
Il-gvern qed jagħti l-injezzjoni mingħajr ksur ta’ regoli Ewropej u n-nies igawdu llum u mhux nistennew 30 sena oħra. Jekk il-gvern jieħu lura l-isptarijiet fl-istat state of the art, 30 sena oħra jħallas 80 miljun, ikun ifisser li jħallas 40 miljun ewro tal-lum. Min qed iġib l-argumenti ma jafx jaqra l-figuri.
Dr Muscat temm jgħid li l-gvern għandu track record b’saħħtu ħafna u se jkompli jissaħħaħ.
