Il-Ministru għall-Ambjent Franċiż Nicolas Hulot ħabbar li se jżied il-kwota tal-insib għall-għasafar tal-passa bil-għan li jkompli jappoġġja din it-tradizzjoni fi Franza.
Dan ifsiser li n-nassaba fi Franza se jkunu jistgħu jonsbu 370 elf Alwetta fis-sena, jiġifieri sa tliet darbiet iktar għasafar mill-kwota preżenti fin-Nofsinhar tal-pajjiż.
Apparti dan ir-rata ta’ qbid tal-Malvizz Iswed u ta’ għasafar oħrajn se tirdoppja għal 78 elf għasfur fis-sena.
Fl-istess ħin hemm pjan biex jinqabdu madwar 2,050 Venewwa bi xbieki u 20,000 Bufula griża.
