Għaddej b’ritmu tajjeb ix-xogħol fuq il-grawnd tal-futbol f’ Wied il-Għajn.
Il-proġett tal-bini ta’ grawnd tal-futbol flimkien ma’ diversi faċilitajiet anċillari qed isir fil-Park tal-Familja li jinsab fl-istess lokalità.
Din l-inizjattiva, li qed ssir b’investiment ta’ €1.5 miljun, ittieħdet hekk kif inħass bżonn kbir ta’ investiment ta’ din ix-xorta fi ħdan lokalità żagħżugħa b’popolazzjoni li qegħda dejjem tikber.
Kien il-Ministru Ian Borg li dalgħodu tella’ dan ir-ritratt li qed nippubblikaw filwaqt li nnota kif ix-xogħol miexi ġmielu. Naturalment għas-sodisfazzjoni tal-komunità ta’ Wied il-Għajn.
