Il-Ministeru għal Għawdex jinforma lill-pubbliku li minħabba s-sitwazzjoni preżenti l-kumpanija Gozo Channel qed tħabbar tibdil fl-iskeda tagħha.
Din l-iskeda se tidħol fis-seħħ min-nhar it-Tnejn 23 ta’ Marzu, 2020 u tibqa’ tapplika sakemm jiġi kkomunikat avviż ieħor.
Il-Ministru għal Għawdex Clint Camilleri jfakkar li l-iscreening ta’ kull passiġġier qabel jirkeb il-vapur ser jibqa’ jsir u appella għar-responsabbiltà mill-pubbliku.
