Il-Kumpanija tal-Gozo Channel fi stqarrija, qalet li tixtieq tinforma lill-klijenti rigward l-arranġamenti ta’ trasport speċjali għall-programm tal-ftuħ ta’ Valletta 2018 li se jinżamm nhar is-Sibt 20 ta’ Jannar 2018.
Għal dan l-avveniment il-Kumpanija se torganizza vjaġġi addizzjonali matul il-lejl tas-Sibt 20 ta’ Jannar, fejn mill-Imġarr (Għawdex) il-vjaġġi se jkunu fil-23:15 hrs u 00:30 hrs u miċ-Ċirkewwa (Malta) se jkunu f’00:00 hrs u fis-01:15 hrs.
Il-vjaġġi l-oħra se jkunu skont l-iskeda uffiċċjali (Low Season/Winter).
B’dawn l-arranġamenti il-Kumpanija se tkun qed toffri servizz addizzjonali biex tagħti sostenn lill-attivitajiet kulturali organizzati fil-Belt Valletta.
