Il-ġmiel tal-bajja ta’ Għajn Tuffieħa se tkun qed tidher fix-xeni tas-sensiela televiżiva Genius: Picasso. Is-serje tal-produzzjoni tan-National Geographic bdiet tingibed Malta fl-aħħar jiem bl-attur prinċipali Antonio Banderas ifaħħar lil Malta għas-sbuħija li sab kull fejn mar.Kienu bosta ritratti li xerrdu membri mit-tim ta’ din il-produzzjoni, fosthom l-attur Antonio Banderas li kiteb “sbuħija kullimkien” b’membri oħra jieħdu ritratti u ppubblikawhom fuq l-pjattaforma Instagram tal-bajja pittoreska ta’ Għajn Tuffieħa.
Is-sensiela televiżiva Genius diġa’ xandret l-ewwel season tagħha bl-episodji jkunu ffukati fuq il-fiżiċist ta’ fama mondjali, Albert Einstein.
It-tieni season se jkun qed jiffoka fuq il-ħajja tal-artist Pablo Picasso bl-attur prinċipali se jkun Antonio Banderas.
