Il-ġenituri tal-voluntier maqtul f’Gaża, ma jaċċettawx l-apoloġija tal-militar Iżraeljan

Jacob Flickinger kien raġel tal-familja, leali, u devot, li nqatel mill-Iżrael, waqt li kien qed jipprova jgħin lil dawk l-aktar fil-bżonn.

Qalu dan il-ġenituri ta’ Flickinger, Amerikan, li kien fost sebgħa persuni li nqatlu, waqt li kienu qed jipprovaw iwasslu l-għajnuna umanitarja f’Gaża, f’isem l-għaqda World Central Kitchen, f’intervista mal-istazzjon Brittaniku, il-BBC.

Il-militar Iżraeljan, qal li dan kien żball traġiku, talab apoloġija, u wiegħed li se jkun hemm investigazzjoni.

Minkejja dan, il-ġenituri tal-vittma, qalu li l-mewta ta’ binhom kienet att kriminali, u m’aċċettawx din l-apoloġija.

Flickinger kien ukoll missier ta’ tifel ta’ sentejn.