Jidher li l-fatt li fuq livell Ewropew il-gamiema qed tkun meqjusa bħala speċi mhedda qed iħasseb ukoll lill-Federazzjoni tal-Kaċċaturi f’Malta. Għalkemm in-numri li jinqabdu f’Malta jaf jidhru insinjifikanti fuq livell globali u Ewropew fl-aħħar ġimgħat ma naqset xejn il-pressjoni fuq livell Ewropew fid-dawl li pajjiżna fetaħ ukoll l-istaġun tal-Kaċċa fir-Rebbiegħa.
Staġun li għalkemm infetaħ għandu ħafna limitazzjonijiet, bil-gvern konxju mill-isfidi biex tkun applikata d-deroga f’dawn iċ-ċirkostanzi ġodda. Imkejjen viċin id-dinja tal-kaċċa f’pajjiżna qalu ma’ one.com.mt li fuq fomm kaċċaturi li għandhom ukoll ħjiel tal-liġijiet Ewropej u l-pressjoni li għaddeja kien hemm il-kaċċa għall-gamiema. “Hemm bżonn ikunu proattivi,” qal ma’ one.com.mt kaċċatur ta’ esperjenza kbira li dwar id-delizzju tiegħu jirriċerka kontinwament.
U jidher li dan il-kaċċatur ma kienx qed jitkellem minn żniedu bl-FKNK tibgħat messaġġ għall-konferenza tal-aħbarijiet fl-aħħar minuti biex tgħid li se titkellem dwar il-gamiema, il-Kummissjoni Ewropea u l-moratorium.
Il-kaċċa fir-Rebbiegħa f’Malta baqgħet kontroversjali u fl-aħħar ġimgħat l-FKNK qalet li kien hemm diskrepanzi fiċ-ċifri dwar il-gamiema li x-xjentisti tal-BirdLife International taw lil International Union for the Conservation of Nature (IUCN) meta kkomparati maċ-ċifri li l-Membri Stati tal-UE irrappurtaw lill-Kummissjoni Ewropea fuq l-istess gamiema.
Din is-sitwazzjoni kienet diskussa f’dettall kbir fil-Kumitat Ornis Malta, inkluż mir-rappreżentanti tal-FKNK mill-istess Kumitat. Waqt dawn il-laqgћat, dejjem ġie trattat l-istat ta’ konservazzjoni tal-gamiema, u eventwalment il-Kumitat gћamel ir-rakkomandazzjoni tiegћu lill-Gvern.
Irrispettivament minn dan, il-FKNK kienet insistiet li kwalunkwe restrizzjoni li kellha ssir fuq id-deroga, diga saret is-sena l-oћra.
“Meta wieћed jikkunsidra li madwar 2,000,000 sa 3,000,000 gamiem jinqabad kull sena fl-Ewropa, l-FKNK ma tistax ma tikkumentax dwar l-gћaġeb li qed issir rigward il-4,000 li jistgћu jinqabdu f’Malta,” intqal fi stqarrija ftit tal-ġimgħat ilu.
Il-FKNK ukoll ipproponiet it-tnedija ta’ proġett ta’ konservazzjoni dwar il-gamiema li ilha li ssuġerit u tinsisti fuqu gћal bosta snin.
Ritratt: Jim Almond, 2009
