Il-funeral tal-Gran Mastru Emeritu Fra’ Matthew Festing se jsir f’Malta.
Sorsi viċin l-Ordni tal-Kavallieri ta’ San Ġwann ikkonfermaw dan ma’ ONE News.
Il-mewt ta’ Festing tħabbret ilbieraħ u huwa miet f’pajjiżna wara li l-ġimgħa l-oħra ħassu ma jiflaħx waqt ċerimonja fil-Kon-Katidral ta’ San Ġwann.
Festing mexxa l-Ordni ta’ San Ġwann bħala d-79 Gran Mastru mill-2008 sal-2017 u wara kellu jirriżenja wara tilwima mal-Papa.
Il-President ta’ Malta Dr George Vella sellem il-memorja tal-Gran Mastru Emeritu tal-Ordni Sovran Militari ta’ San Ġwann.
Huwa fakkar fiż-żjara uffiċjali li kien għamel Festing f’pajjiżna fl-2016.
L-Ordni ta’ San Ġwann, li kien imexxi Festing, għandu rabta speċjali ma’ pajjiżna għaliex għal aktar minn żewġ sekli u nofs, l-Ordni mexxa lil Malta u ta kontribut fl-iżvilupp tal-gżejjer Maltin mill-Medjuevu għall-era moderna.
