Il-funeral ta’ Jake Vella se jsir nhar is-Sibt, 7 ta’ Settembru

Għadu kif tħabbar il-funeral taż-żgħażugħ Jake Vella li ħalla din id-dinja jumejn ilu fl-età ta’ 15-il sena.

Permezz ta’ post fuq il-pjattaforma soċjali Facebook, Maruska Vella, omm Jake Vella, ħabbret li l-funeral se jieħu post nhar is-Sibt, 7 ta’ Settembru fl-10:30 ta’ filgħodu fil-Knisja Parrokjali ta’ San Pietru fil-Ktajjen f’Birżebbuġa.

Omm Jake stiednet lill-poplu sabiex iżomm din id-data libera sabiex tiġi ċċelebrata ħajjet Jake kif jixraqlu.