L-Ordni tal-Kavallieri tkeċċa minn Malta fl-1798 mill-ġeneral Franċiż Napuljun.
L-aħħar Granmastru kien Hompesch.
Bosta kavallieri kienu Franċiżi u Spanjoli. Billi ħafna minn dawn il-kavallieri żammew ma’ Napuljun, il-kavallieri ma tantx setgħu iżommu lil Malta.
L-Ordni għamel ħbieb mar-Russja u l-Ingilterra. Dawn kienu kontra l-Franċiżi allura Napuljun kellu kull skuża biex jattakka l-Gżejjer Maltin.
Il-flotta Franċiża waslet fid-9 ta’ Ġunju 1798. Napuljun ried jidħol fil-Port biex jieħu l-ilma. Il-Granmastru offrielu l-ilma basta l-bastimenti jidħlu tnejn tnejn. Il-Franċiżi attakkaw il-Gżejjer Maltin għax kienu jafu li ma kellhomx reżistenza. Fit-12 ta’ Ġunju Malta waqgħet f’idejn il-Franċiżi u l-Kavallieri spiċċaw telqu minn Malta.
Bħalissa madwar 550 parteċipant minn 17-pajjiż ingħaqdu flimkien sabiex itellgħu l-akbar avveniment tar-re-enactment f’Malta.
Dan bil-għan jiġi kkommemorat l-220 anniversarju minn meta ġew il-Franċiżi f’Malta.
Ara wkoll: http://www.one.com.mt/2018/06/06/allarm-invadewna-l-francizi/
