Il-flokkijiet ta’ Ibra kważi jlaħħqu l-prezz ta’ Pogba

Mezzi tax-xandir internazzjonali qed jirrapportaw li f’temp ta’ ġimgħa, il-team Ingliż Manchester United daħħal 76 miljun sterlina mill-bejgħ tal-flokkijiet b’isem Zlatan Ibrahimovic fuqhom.

Sadanittant, ikomplu għaddejjin ix-xniegħat dwar il-possibilment trasferiment tal-Franċiż Paul Pogba minn ma’ Juventus għal ma’ Manchester United. Xnigħat li jinvolvu l-prezz ta’ mitt miljun dollaru. Ammont li ħafna qed jarawh bħala eżagerat, iżda wieħed li, jekk dejjem huwa minnu dak li qed ikun irrappurtat, għat-team Ingliż ma huma xejn. Dan għaliex jekk f’ġimgħa Manchester United daħlu sitta u sebgħin miljun sterlina bil-bejgħ tal-flokkijiet ta’ Ibrahimovic, f’ġimgħatejn se jkunu jistgħu jixtru lil Pogba bla ebda problemi ta’ xejn!