Nhar it-Tnejn 28 ta’ Jannar, 2019 fit-20:30 fuq ONE ser jixxandar il- finali tant mistenni tal-programm HazZzard.
Il-finali ta’ din is-sena ser jixxandar minn wieħed mill-aktar attrazzjonijiet turistiċi u sit ta’ valur storiku li nsibu fil-Ġordan; il-belt majestuża ta’ Petra. Dan is-sit, huwa meqjus bħala wieħed mis-seba’ għeġubijiet tad-dinja.
Fil-finali tal-programm, il-parteċipanti ser jittantaw xortiehom biex jiftħu t-teżor. L-element tal-fortuna jilgħab parti importanti ħafna. Min għandu f’ idejħ iċ-ċavetta valida li ser tagħti aċċess għat-teżor, u jkun ir-rebbieħ ta’ HazZzard? Dan il-mument partikolari jagħlaq l-edizzjoni ta’ kull sena, l-mument li nsiru nafu min hu r-rebbieħ.
It-tim tal-produzzjoni jixtieq jirringrazzja lil kull min b’ xi mod jew iehor jagħti s-sehem tiegħu fil-programm u għalhekk jagħmel parti minn din il-familja kbira ta’ HazZzard. Grazzi kbira tmur lill-dawk li jirreklamaw maghna u jagħtuna l-fiduċja tagħhom, kif ukoll lit-telespettaturi tal-programm. Grazzi wkoll lil parteċipanti kollha u lil membri tal-ekwipaġġ. Bis-sehem ta’ kullħadd dan il-programm jista jkun possibbli.
It-tim tal-produzzjoni jixtieq ifakkar li dawk li jixtiequ jipparteċipaw fl-edizzjoni li jmiss għadhom fiċ-ċans li jagħmlu dan billi jidħlu fil-paġna ta’ HazZzard fuq Facebook u jħallu messaġġ privat. Bħalissa qed isiru l-‘auditions’.
