F’jum il-festa tal-Kunċizzjoni, ONE ser ikun qed iwassal xandira diretta mill-festa ta’ Marija Immakulata mit-toroq ta’ Bormla. Il-programm ”Mill-Festa” ser jibda bit-trażmissjoni diretta tiegħu għall-ħin tal-5:30pm sabiex is-segwaċi ta’ ONE ikunu jistgħu jsegwu l-ħruġ tal-purċissjoni bl-istatwa tal-Kunċizzjoni mill-Kolleġġjata ta’ Bormla li tibda ħierġa fis-6pm. Il-programm ”Mill-Festa” jibqa’ għaddej sat-tmiem tal-festa Bormliża b’numru ta’ intervisti, filmati u tagħrif dwar il-festa, il-kunċizzjoni u Bormla.
Wayne Aquilina
Ilu involut fix-xandir mill-1999. Ipproduċa, ikkordina u ppreżenta bosta programmi televiżivi. Iħobb iżomm lilu nnifsu infurmat u jsegwi xi jkun għaddej Malta u lil hinn. Jinteressah il-Eurovision Song Contest, ix-xena tal-mużika lokali u l-aspett kulturali ta' pajjiżna. Illum Sindku tal-Kalkara, u din l-esperjenza qed isservih biex jimraħ aktar fl-aspett amministrattiv u deċiżiv.
