Il-Bank of Valletta (BOV) nieda inċentiva biex jinkoraġġixxi l-użu ta’ pagamenti diġitali minflok flus kontanti, bħala parti mill-isforzi tiegħu favur il-litteriżmu finanzjarju.
Bejn l-1 ta’ Marzu u t-30 ta’ Ġunju 2025, klijenti li jiġbdu sa €300 jew inqas fix-xahar minn ATMs tal-BOV jew fergħat u jagħmlu mill-inqas tranżazzjoni waħda bil-kard ta’ debitu jew kreditu tal-BOV se jkunu eliġibbli għal lotterija. Kull xahar jintgħażlu 60 rebbieħ li jirċievu €125 fil-kont tagħhom, b’total ta’ 240 benefiċjarju matul il-kampanja.
Ernest Agius, Chief Operations Officer tal-BOV, qal li din l-inizjattiva tgħin lill-klijenti jagħmlu għażliet aktar siguri u konvenjenti fl-immaniġjar tal-finanzi tagħhom. Chris Degabriele, Kap tal-eBanking, saħaq fuq l-importanza tad-diġitalizzazzjoni għall-futur tal-bankarija.
Għal aktar dettalji żur www.bov.com.
