Il-komunità fil-Birgu sellmet lill-Kardinal Malti Prospero Grech li l-ġisem tiegħu wasal f’pajjiżna llum wara nofsinhar minn Ruma.
Fil-Birgu, il-ġisem tal-Kardinal Malti kien espost fil-Knisja ta’ San Lawrenz biex imbagħad ittieħed fil-Knisja ta’ San Mark ir-Rabat, biswit il-kunvent tal-Agostinjani.
Għada l-ġisem tal-Kardinal Malti se jkun espost fil-Knisja fir-Rabat biex imbagħad għall-ħabta tas-1:30 ta’ waranofsinhar jitlaq korteo bit-tebut tal-Kardinal lejn il-Katidral tal-Imdina.
Hemmhekk se ssir quddiesa tal-funeral konċelebrata minn Moninsjur Arċisqof Charles Scicluna qabel ma mbagħad il-Kardinal jindifen fiċ-ċimiterju tal-Addolorata.
