Il-Birgu Fest ta’ din is-sena se tibda fi tmiem il-ġimgħa, bejn is-6 u 8 ta’ Ottubru. Matul dan l-avveniment il-Birgu jinbidel f’belt romantika permezz ta’ xemgħat li jitpoġġew fit-toroq.
Matul dan il-festival, jsiru bosta attivitajiet fosthom re-enactments tal-istorja ta’ pajjiżna filwaqt li numru ta’ mużewijiet u knejjes jinfetħu wkoll għall-pubbliku.
Wieħed jista’ wkoll jiekol ikel tipiku Malti filwaqt li jgawdi mużika klassika u moderna.
Is-servizz tal-Ferry se jkun ukoll estiż, hekk kif is-Sibt 8 ta’ Ottubru, dan is-servizz se jkun aktar frekwenti, bl-aħħar vjaġġ ikun dak li jitlaq mill-Belt Valletta fis- 02.00a.m.
