Il-Belt kapitali ta’ Malta ispirat artist magħruf li saħansitra ħadem fuq il-films popolari Interstallar u Inception.
Wara li żar pajjiżna biex jipparteċipa fl-avveniment Malta Comic Con, Gabriel Hardman baqa’ impressjonat bix-xeni tal-Belt Valletta. Kien propju dan li wasslu juża x-xeni Maltin fis-seba’ edizzjoni tas-serje ta’ comic books bl-isem ta’ Invisible Republic.
F’dan il-comic book naraw ix-xeni tal-Belt Valletta mibdulin bil-kuluri. L-istorja hija bbażata fuq dinja tal-aljeni msejħa Avalon.
Fil-kummenti tiegħu l-artist spjega kif il-Belt Valletta kienet ta’ inspirazzjoni għalih u kien propju għalhekk li ħa ammont kbir ta’ ritratti u uża kull dettall. Huwa jirreferi għall-ispirazzjoni tiegħu fl-aħħar paġna ta’ din l-edizzjoni popolari.
