Fid-9 ta’ Lulju l-BBC Concert Orchestra se tirritorna Malta għall-kunċert bl-isem ta’ ‘Classic Rock Anthems’ wara s-suċċess tal-kunċert “It’s a Kind of Magic – The Queen Story” is-Sajf li għadda.
Il-kunċert, li se jsir fuq il-Fosos tal-Furjana mill-Awtorità tat-Turiżmu, mistenni jinkludi mal-20 hit rock u pop interpretati minn din l-orkestra ta’ sittin mużiċist taħt id-direzzjoni ta’ Mike Dixon.
Waqt il-kunċert mistennija jiġu interpretati kanzunetti ta’ artisti magħrufa madwar id-dinja bħal The Rolling Stones, Queen, David Bowie, Prince, Lady Gaga, Coldplay, The Beatles, Tina Turner, Fleetwood Mac, Cher, Elvis, u aktar.
Il-Ministru għat-Turiżmu, Clayton Bartolo, esprima l-gratitudni tiegħu għal dawk kollha li se jerġgħu jagħmlu dan l-avveniment possibbli filwaqt li stqarr l-impenn tal-Gvern li jkompli jsaħħaħ il-kalendarju kulturali f’Malta għas-snin li ġejjin.
Iċ-Chairperson tal-Awtorità Maltija għat-Turiżmu, Gavin Gulia, esprima s-sodisfazzjon tiegħu li din l-orkestra se tirritorna f’pajjiżna wara l-osta restrizzjonijiet marbuta mal-pandemija.
Wieħed jista’ jikseb aktar informazzjoni billi jżur is-sit www.visitmalta.com. Il-biljetti jistgħu jinqatgħu minn https://bit.ly/classicrockanthemsbbc.
