L-Olimpjadi bdew u ċ-ċerimonja tal-ftuħ serviet ukoll biex x’uħud qagħdu jiflu lill-atleti li bid-devozzjoni sportiva kollha daru dawra mal-istadju tal-Maracana.
Fost l-atleti li ġibdu l-attenzjoni kien hemm Andrew Chetcuti, l-atleta Malti li ġarr il-bandiera Maltija. Chetcuti mhux biss qanqal ix-xbejbiet li rawh għaddej iżda anki permezz ta’ twitter kien hemm min esprima x-xewqat ibaqbqu u elettrifikanti lejn iż-żagħżugħ Malti.
Bla dubju, min igerger għax forsi jidhirlu li m’hawnx irġiel Maltin sbieħ biżejjed, din hija turija ċara li hawn mazzez sodi għal fuq l-inkwina!
