Statistika maħruġa mill-Ufficju Nazzjonali tal-Istatistika tindika li matul l-2017, reġa’ kien hemm tnaqqis fid-dipendenza soċjali.
Filfatt mentri fl-2012 kien hemm 11,795 persuna li kienu jieħdu l-assistenza soċjali, f’Marzu 2017 snin wara l-ammont ta’ nies dipendenti mill-għajnuna soċjali naqas għal 5,420.
Dan it-tnaqqis fenomenali ta’ aktar min-nofs seħħ minħabba li pajjiżna qed ikollu tkabbir ekonomiku rekord, filwaqt li l-qgħad naqas għall-anqas livell mindu bdiet tingabar l-istatistika.
L-andament eċċellenti fis-suq tax-xogħol joħrog ukoll mill-fatt li dawk li jieħdu l-assistenza speċjali għal nies qiegħda waqgħu għal 1,576. Fl-2012 kien hemm 5,777 li kienu jikkwalifikaw għal dan il-benefiċċju. Li jfisser li dawk dipendenti fuq dan il-benefiċċji naqsu bi kważi tlett kwarti.
Fl-2017, kontra li kien jiġri f’leġislaturi passati, l-ispiża fuq benefiċċji soċjali mhux kontributorji naqset. Tant li l-ispiża fuq benefiċċji soċjali mhux kontributorji f’Marzu 2017 hija €8.3 miljun anqas milli kienet fl-istess zmien fl-aħħar sena tal-amministrazzjoni preċedenti. Dan minkejja li minn dakinhar ‘l hawn din l-amministrazzjoni daħħlet benefiċċji godda bhat-tapering tal-benefiċċji tal-qgħad u l-inwork benefit li jgawdu minnhom aktar minn 4,600 persuna, bi spiża ta’ €2.2 miljun. Dawn il-benefiċċji godda flimkien mas-suċċess fil-qasam tax-xogħol, fejn f’erba’ snin inħolqu aktar impjiegi milli fit-tliet leġislaturi preċedenti meħuda flimkien, wasslu biex dawk f’sitwazzjoni ta’ faqar materjali jonqsu b’20,000.
Fil-Budget li għadda l-Gvern kompla f’din it-triq billi habbar pakkett soċjali qawwi li ser jzid id-dhul ta’ dawk l-aktar fil-bzonn b’madwar €21 miljun, permezz ta’ titjib fl-għajnuna supplimentari, pensjonijiet, benefiċċji ahjar għal dawk b’dizabbilita u għal carers. 22,000 pensjonant sejrin igawdu wkoll mit-tneħħija tat-tassazzjoni fuq l-ewwel €13,000 dħul minn pensjoni. Tant li l-Kummisjoni Ewropea fl-analizi tagħha tal-Budget 2017 sostniet li huwa “targeted at social justice, in particular addressing social inequality and pro-actively targeting those in/at risk of poverty, with a particular emphasis on low income brackets and pensioners”, u li se jiswa 0.5% tal-gid nazzjonali.
