Austin Uche ġie kkundannat ħames snin ħabs wara li nstab ħati li kien f’konfoffa ma’ persuni oħrajn biex jiġu traffikati ftit anqas minn kilogramma ta’ kokaina fl-elfejn u disgħa.
Il-każ seħħ f’Awwissu tal-elfejn u disgħa meta Uche kien f’kofoffa ma’ Tony Johnson, biex jittraffikaw id-droga għas-somma ta’ għoxrin elf ewro.
Dwar dan il-każ, Johnson kien ikkundannat disa’ snin ħabs u mmultat is-somma ta’ tletin elf ewro.
Il-Qorti ordnat il-konfiska tal-proprjeta ta’ Uche u mmultatu wkoll multa ta’ sebat elef ewro.
