L-attur ta’ fama mondjali Russell Crowe se jkun fi Pjazza San Ġorġ fis-17 ta’ Ġunju fejn se jsiru l-ewwel edizzjoni tal-Mediterrane Film Festival u l-Indoor Garden Party tiegħu.
Il-Mediterrane Film Festival se jsir mill-25 sat-30 ta’ Ġunju mill-Kummissjoni tal-Films, se jospita diversi artisti lokali kif ukoll internazzjonali.
Il-Malta Globe Music se tkun qed torganizza l-kunċert ta’ Russell Crowe u dan se joffri opportunità unika biex pajjiżna juri sehmu bħala ċentru kulturali fil-Mediterran.
Il-Kummissarju tal-Films Johann Grech qal li jħossu onorat li Russell Crowe ġej Malta u jinsab ħerqan, speċjalment minħabba l-konnessjonijiet b’saħħithom bejn gżiritna u l-industrija globali tal-films.
Crowe għandu grupp mużikali li jismu ‘Gentlemen Barbers’, u se jkanta flimkien mal-mistiednin speċjali Janet Devlin u Lorraine O’Reilly. L-artisti lokali li se jieħdu sehem jinkludu lil Ivan Grech, Ira Losco, u Beth.
