Għat-tieni jum konsekuttiv tħassru l-attivitajiet tal-Karnival kawża tal-maltemp li ħakem il-gżejjer Maltin. Xi ħaġa li żgur mhux forsi ħalliet dieqa kbira fost dawk kollha li għal sena sħiħa ħadmu qatigħ għal dan iż-żmien li jgħixu għalih.
One News tkellem mad-Direttur Artistiku tal-Karnival Jason Busuttil, li ma naqasx milli jesprimi d-dieqa tiegħu u tal-parteċipanti li me kellhomx iċ-ċans li matul dan il-jum jiċċelebraw il-Karnival.
Bil-maltemp qawwi li ħakem lil pajjiżna bejn il-Ġimgħa u s-Sibt mhux biss ħassar l-attivitajiet iżda kkawża ukoll ħsara teknika.
Ħsara li sofrew ukoll numru ta’ dilettanti tal-Karnival li l-maltemp ikkawżalhom ħsarat kbar fuq il-karru tagħhom. Karrijiet li ma rnexxilhomx jagħmluha sat-toroq tal-Belt Valletta.
Mistoqsi fuq il-jum tal-Ħadd, Busuttil qal li kollox jinsab preparat biex il-programm skedat isir kif pjanat.
Bil-Maltemp reġà qajjem id-diskussjoni ta’ jekk għandiex tinbidel id-data tal-Karnival f’pajjiżna biex issir fi żmien li fih ma jkunx hemm xita. Bid-Direttur Artistika sostna li ma jaqbilx għaliex huwa Frar ix-xahar iddedikat għal Karnival.
