Darren Douglas ħalliena ftit tal-ħin ilu wara li qatta’ 32 sena fis-sodda. Douglas kellu inċident meta kien għad kellu biss 18-il sena. Hu qabeż f’pool fejn l-ilma kien baxx u kiser il-ħames u s-sitt rukkell mis-sinsla ta’ daharu.
Kien spiss jitkellem dwar ix-xewqa tiegħu li jsir infermier iżda minflok spiċċa pazjent. Iżda minkejja dan kollu, Darren Douglas dejjem baqa’ daħqan u pożittiv tant li ġibed ammirazzjoni minn bosta li saħansitra kienu jżuruh.
Douglas kien jgħid li xorta waħda jħossu kuntent u jgħix jum b’jum.
Fuq facebook personali tiegħu, Darren Douglas qed jinkitbulu messaġġi ta’ ringrazzjament għall-mod ta’ kif kien ixerred il-pożittività.
