Is-Segretarju Parlamentari għaż-Żgħażagħ u Sport, Clifton Grima ħabbar li l-Gvern identifika sit għat-trakka tal-karozzi f’Malta.
F’konferenza tal-aħbarijiet, is-Segretarju Parlamentari qal li t-trakka se ssir, u bħalissa għaddej studju dwar it-twettieq ta’ dan il-proġett tant mistenni mid-dilettanti tal-karozzi.
Huwa sostna li l-Gvern se jżomm mal-wegħda tiegħu, biex f’pajjiżna jkollna trakka tal-karozzi.
Is-Segretarju Parlamentari żied jgħid li fl-iskola ta’ Maria Assumpta se ssir akkademja tal-isnooker filwaqt li għaddej proċess ta’ tenders għall-pixxina ta’ daqs Olimpiku fil-Kumpless Sportiv tal-Kottonera.
