Il-Prim Ministru Joseph Muscat wiegħed li dan il-Gvern se jkompli jżomm idejh fuq il-polz tal-poplu.
F’attività politika f’Birkirkara qal li l-Gvern mhux se jistrieħ biss fuq is-suċċessi mwettqa s’issa. Jifhem li għad hawn min għadu lura u li l-ġid mhux jintlaħaq minn kulħadd.
B’referenza għall-baġit li ġej, il-Gvern qal li se jkunu qed jagħti spinta lill-ekonomija u lil dawk li jilfħu lanqas.
“Se nkomplu nkunu man-negozji u l-familji, u se nkomplu nurukom li Malta qed tinbidel.”
Esprima sodisfazzjon għal statistika ppubblikata din il-ġimgħa fejn turi li pajjiżna jinsab it-tieni l-aqwa fil-ġlieda kontra l-qgħad. Huwa qal li pajjiżna kien fin-naħa t’isfel tal-klassifika u b’deċiżjonijiet kuraġġużi wassluh jaqbeż lil Ġermanja u jkollu fost l-inqas livelli ta’ nies fil-qgħad. “Ħaddieħor kien ibassar qgħad iżda dan il-moviment ifisser xogħol,” qal fl-isfond taċ-ċapċip il-mexxej Laburista.
Fakkar kif iż-żgħażagħ Maltin huma l-aktar żgħażagħ li għandhom xogħol fl-Ewropa.
https://youtu.be/Hinxc7WKvN4
Muscat qal kif din din il-ġimgħa l-Italja ħabbret li l-kontijiet tad-dawl se jiżdiedu b’4%. Hawnhekk il-kelliem wiegħed li sakemm idum dan il-Gvern il-kontijiet se jkunu 25% orħos minn kemm kienu qabel għaliex dan il-Gvern mhux parti minn elite politika li trid tħalli l-affarjiet kif inhuma.
“Nisfidaw l-istatus quo u se nkomplu nżommu l-kuntatt man-nies.”
B’referenza għall-Brexit, il-Prim Minsitru esprima sodisfazzjon għal dak li rrimarkaw l-esperti meta qalu li pajjiżna kien ippreparat għall-eżitu tar-referendum.Il-kelliem qal li l-Gvern Malti sejjer b’id tal-ħbiberija għand l-Ingliżi u se joffrilha biex ikun il-pont li jgħaqqadha mal-Ewropa.
Filwaqt li fakkar fir-riżultati pożittivi li kiseb il-Partit Laburista fl-elezzjonijiet Ewropej, huwa qal li l-poplu jaf min hu l-aħjar biex jinnegozja għal pajjiżna. “Ħaddieħor għadu bil-mentalità tal-‘yes sir’ iżda aħna dejjem nagħmlu l-pożizzjoni tagħna ċara.”
Filwaqt li qal li ma jaqbilx ma’ dak li għamlu l-Ingliżi, jifhem lil min ried jitlaq mill-Unjoni Ewropea. Dwar il-kwistjoni tal-immigrazzjoni, Muscat qal li din tinkwieta lin-nies u jeħtieġ li tkun diskussa mill-partiti. Fi kliemu, jekk ma jsirx hekk in-nies se jibdew jagħtu l-appoġġ lill-partiti estremisti. Hawnhekk qal li ma jidħakx bin-nies ta’ Birżebbuġa u l-Marsa li jitkellmu dwar dan is-suġġett u li jifhimhom perfettament.
Muscat qal li Simon Busuttil qabblu ma’ Nigel Farage, mexxej tal-UKIP. “Jien mhu se nqabblu ma’ ħadd għax ma rrid noffendi lil ħadd li qabbiltu ma’ Busuttil,” qal Muscat b’dawk preżenti jitbissmu. Muscat qal li kumment bħal dak juri li mhux qiegħed jifhem dak li qed jgħidu n-nies.
Il-Gvern jaċċetta l-id tal-ħbiberija li qed toffri l-Oppożizzjoni u għandha tagħmel dan billi ma tkomplix titkellem kontra pajjiżna.
Nigel Farage, il-mexxej ta’ UKIP
https://youtu.be/G7FW38Xs4Bw
