David Bonnici ta’ 42 senba ġie kkundannat sentejn ħabs u mmultat ħamest elef ewor wara li nstab ħati li ħebb għal spettur f’awla tal-qorti.
Il-każ seħħ fit-22 ta’ Lulju li għadda f’awla numru erbgħa meta Bonnici attakka lill-Ispettur Kylie Borg meta kienet qed tipproċedi kontrih dwar każ ta’ vjolenza domestika fuq missieru. Huwa nstab ħati wkoll li inġurja u li heddidha u li weġġagħha b’mod ħafif.
Fil-qorti l-imputat dar fuq missieru u beda jgħidu li ħa jitfgħu il-ħabs u li m’għamils sew. Malli l-qorti ppreseuduta mill-Maġistrat Charmaine Galea ordnat li jinżamm arrestat, l-imuptat sploda u beda jgħajjat u jidgħi. Hawn qam minn bilqiegħda u resaq lejn l-avukat tiegħu. Hawn beda jgħajjar lill-Ispettur Borg “Ja żebel! Ja’ l***!”
Huwa baqa’ jgħajjarha wara li l-Ispettur marret twaqqfu u qaltlu biex joqgħod kwiet għax qed jgħarraq lilu nnifsu. Madankollu huwa kompla jgħajjarha. Mal-ħin huwa kompla jsir aggressiv u qaleb bank malli marru biex jimmannettjawh. Kien hawn li hedded lill-Ispettur u qalilha “Jien lilek noqtlok”.
Fil-qorti missieru u l-avukat tiegħu saħqu li l-akkużat aġixxa b’dak il-mod għax kien ikkundizzjonat mill-fatt li jabbuża mid-dorga kokaina jew għax ma ħax il-mediċina li jieħu s-soltu.
Fid-deċiżjoni tagħha, il-Qorti ppreseduta mill-Maġistrat Joseph Mifsud tenniet li l-attakki fuq pulizija qatt m’huma skużabbli tkun xi tkun ir-raġuni. Sosnta li dan il-każ kien aktar serju għax ġara fil-qorti u barra l-awla. Sosnta li l-qorti ma trid li l-membri fil-korp jiddemoralizzaw ruħhom għax għad hawn min jaħseb li hu ‘l fuq mil-liġi u ma jirrispetta lil ħadd.
“Attakk fuq membru tal-Korp tal-Pulizija jew xi forza oħra tal-ordni huwa attakk fuq is-socjetà kollha”, sostna l-Maġistrat Mifsud.
Min-naħa l-oħra l-qorti qalet li se tipprovdi triq biex l-imputat joħroġ mill-jagħsar tal-vizzju li nkrikeb minnu anke jekk qrabatu mhux se jieħdu pjaċi bid-deċiżjoni tal-qorti, iżda sostna li jekk Bonnici mhux se jieħu dan iċ-ċans qatt mhu se jkun ċittadin ħieles u denju tas-soċjetà.
Fid-deċiżjoni tagħha, il-Qorti waqt li sabitu ħati tal-akkużi kollha, ordnat biex b’mod immedjat jibda jingħata trattament biex jegħleb l-abbuż tad-droga bi programm ta’ rijabilitazzjoni mid-droga u trattament għar-rabja li għandu.
