Diversi nies għadhom qed isemmu d-dwett bejn Ira Losco u Owen Leullen fil-finali ta’ Xfactor gimgħa ilu.
Il-kanzunetta ‘Hey Now’, oriġinarjament miktuba u kantata minn Ira Losco għall-aħħar album tagħha No Sinner No Saint, ħadet laqta differenti meta r-rappet Luellen żied diversi lirika ta’ stil rap bħala parti mill-kanzunetti li kanta matul il-finali tas-Sibt li għadda.
Ir-reazzjoni pożittiva tal-pubbliku kienet immedjata tant li l-filmat tar-rappreżentazzjoni mtella’ fuq Youtube laħħaq kważi il-200,000 segwaċi u kienu ħafna li talbu li dan id-dwett jiġi rrekordjat fi studjo.
Il-bieraħ filgħaxija fuq programm lokali, il-manaġer ta’ Ira Howard Keith Debono stieden lil Luellen sabiex jiġi jirrekordja d-diska u milli jidher, ma tantx se ndumu biex nisimgħu d-dwett fuq is-settijiet tar-radju tagħna!
