Id-Dipartiment tad-Dwana interċetta tnax-il vettura oħra misruqa mill-Kanada li kienu moħbija f’kontejners bl-ammont totali ta’ vetturi misruqa issa telgħu għal erbgħa u għoxrin li kienu fi triqithom għal Abu Dhabi
Is-sejba saret wara operazzjoni intensiva mid-Dwana, il-Pulizija kif ukoll l-Awtoritajiet Kanadiżi, liema investigazzjonijiet wasslu għal għadd ta’ arresti mill-Pulizija Kanadiża.
Il-Pulizija kkonfiskat ukoll ammont kbir ta’ flus fejn tnejn mill-vetturi misjuba nsterqu b’mod vjolenti.
Fost it-tnax-il vettura misjuba hemm tliet Lexus RX350, żewġ Ford Pick-ups 450, żewġ Ford Expedition SUV, 1 Mercedes G63, Honda CRV, Mustang, Range Rover Velar u Ford 150.
Il-Pulizija Kanadiża identifikat grupp kriminali wara li twettqu għadd ta’ rejds u saru diversi arresti permezz ta’ informazzjoni li għaddiet il-Pulizija Maltija.
