Fid-diskors tiegħu fl-Assemblea Ġenerali tal-Ġnus Magħquda, il-Prim Ministru Joseph Muscat wassal messaġġ b’saħħtu dwar l-għaqda globali:
“Advocating a global approach does not mean loving your country less than others. It means that working together makes it less likely that a ‘might is right’ doctrine will prevail”.
Il-Prim Ministru spjega kemm hija inkwetanti li hemm pajjiżi li mingħalihom li se jsolvu problemi globali b’soluzzjonijiet lokali.
“Local solutions breed global problems which can manifest themselves with devastating results. From the use of plastic products which are polluting our seas to the point they are killing our sea life. to mass migration and the effect of displacement on both migrants and host societies, where there are vulnerable people on both sides”.
Dwar l-immigrazzjoni, il-Prim Ministru qal li minħabba l-pożizzjoni ġeografika ta’ pajjiżna, Malta ilha taffaċċja din il-problema ferm qabel ma bdiet tiddomina fuq il-media internazzjonali.
Huwa rrimarka li minkejja li l-vjaġġi bl-immigranti naqqsu, it-tħassib fost il-komunità lokali żdied hekk kif ħafna jħossu li l-komunità internazzjonali naqset milli tipprovdi s-soluzzjonijiet.
“Most importantly, we can, together, stop these people profiting from a practise that often results in the death of innocent people”.
Hawnhekk, il-Prim Ministru sostna li Malta dejjem onorat il-konvenzjonijiet marittimi internazzjonali madankollu qal li pajjiżna qed jistenna l-istess mill-partijiet l-oħra kollha:
“And we expect others, not only states but also non-state actors involved, to also abide by international rules”.
Huwa spjega li minħabba l-aġir illegali ta’ wħud, Malta kellha tingħaqad ma’ stati oħra sabiex ġew solvuti numru ta’ kriżijiet umanitarji.
Il-Prim Ministru wissa kif narrattivi b’fatti żbaljati jew qarrieqa wasslu għall-agħar riżultati fl-istorja tad-dinja u ż-żieda fin-nazzjonaliżmu jista’ jerġa’ jwassal għal dan.
Muscat tkellem ukoll dwar l-avvanz li sar fit-teknoloġiji diġitali u kif dawn ukoll jistgħu jagħtu kontribut għal numru ta’ problemi. Huwa spjega kif Malta qed tkun minn ta’ quddiem li tirregolarizza ruħha għal dawn it-teknoloġiji fosthom il-Blockchain.
Joseph Muscat għalaq id-diskors tiegħu b’messaġġ pożittiv fejn sostna kif permezz tad-djalogu, il-komunità internazzjonali tista’ tegħleb numru ta’ sfidi:
“This forum shows that we stand to gain through dialogue and cooperation which will always triumph over division, cynicism, and self-absorption. Because, in unity we can have hope”.
