Temmen int bid-destin? Ħafna minn nies jemmnu li dak li hemm miktub għalina ma jħassru ħadd, u hemm oħrajn li jemmnu li d-destin huwa biss skuża li wieħed jista’ iġib lilu nnifsu f’każ ta’ mument iebes.
Il-‘film’, “Id-Destin”, huwa bbażat fuq ħajjet Ethan Costa, persuna li l-kurrent tal-ħajja kaxkru u ġarru miegħu għal-għonq it-triq; triq li l-istess Ethan Costa xejn ma kien komdu fiha. Dan kollu baqa’ iseħħ sakemm il-ħajja ddeċidiet li tibgħat messaġġ ta’ tama. Messaġġ bl-isem ta’ Aurora Cole.
Imma x’ser iżomm l-Ethan Costa milli jgħix dan iċ-ċans? Għalfejn ser jikumplikaw ruħhom l-affarijiet propju fil-mument fejn suppost kellha tinqaleb il-folja? U wara kollox, x’kienet ir-raġuni prinċipali li Ethan spiċċa f’din it-teqlib ta’ ħajja? L-ebda tarbija ma titwieled irrabjata, imma wieħed jibdni emozzjonijiet ta’ rabja skond il-ħajja li jkun tela’ fiha hu, u b’hekk toħroġ id-domanda, x’inu il-passat ta’Ethan?
L-awtur ħa ħsieb ukoll idaħħal dawk is-sitwazzjonijiet li joħolqu kontroversja , bhal eżempju ċar il-bewsa li ser ikun hemm bejn Ronnie Xriha; parti interpretata minn Eric Grech, u trans stripper Tiziana Grech: parti interpretata minn Michael Stivala. Ser naraw ukoll strip club li din id-darba minflok ser ikun mimli b’nisa sbieħ, ser narawh mimli b’nies transesswali. Il-lingwaġġ użat ser ikun wieħed realistiku, u mhux darba jew tnejn ser tisimghu kliem baxx li nisimghu ta’kuljum fit-toroq Maltin.Fost dan kollu ser naraw ukoll xeni ta’azzjoni u sparar li kienu taħt it-tmexxija ta’ l-espert Mario Buzjettta.
L-imħabba għandha l-maġija li tnessi, li tbiddel u fuq kollox li tfejjaq; tfejjaq weġgħat li n-nies ta’ madwarna kienu kapaċi jgħadduna minnhom. Dan hu l-messaġġ li Ethan Costa irċieva.
Għalda
qstant, jekk int wieħed minn dawk li temmen li aħbar tajba tista’ tnessi, tfejjaq jew tbiddel it-traġedja ta’ ħajja li tkun għaddej minnha, mela kważi għandek garanzija li sejjer żball.
Ġrajja b’ingredjenti ta’ destin u destinazzjonijiet differenti li jagħqdu destin wieħed. Familji, għira, vendetti, vendikazzjonijiet, piki u wara kollox jew fuq kollox: l-imħabba. Għaliex hekk hija mibnija l-ġrajja tal-bniedem.
B’direzzjoni ta’ Dominic Said, imtella minn Mixta Drama b’kollaborazzjoni ta’ Brighter Image u b’fost hafna atturi ta’ esperjenza fostom Dorian Micallef, Clayton Zammit, Sandro Vella,Eric Grech,Sonic-J Aquilina, Patrick Bonnici,Ileana Cutajar fost ħafna ohrajn. Dan il-filmse jkun qed jintwera fiċ-ċinemas lokali.
Żuru l-paġna fuq Facebook: Id-Destin
