Dikjarazzjoni ċara mid-dekan tal-Fakultà tal-Liġi tal-Università ta’ Malta dwar kif il-Partit Nazzjonalista qed jikser il-liġi tal-finanzjament tal-partiti.
F’artiklu fit-Times of Malta, il-Professur Kevin Aquilina kiteb dwar Skandlu Pagi PN u qal li s-sebgħin elf ewro li l-Partit Nazzjonalista ħa s-sena l-oħra minn dB Group jew sussidjarji tiegħu huma donazzjoni.
Innota kif il-Partit Nazzjonalista qed jgħid li dan kien ‘sponsorship’ għal programmi u fid-dawl li media.link hija kumpanija tal-Partit Nazzjonalista l-Professur Aquilina kiteb kif din tikser artiklu tnejn tal-liġi. Artiklu li jsemmi b’mod ċar il-kelma “sponsorship.”
“Din hija donazzjoni, irrispettivament jekk intużatx biex jitħallsu produzzjonijiet tal-programmi jew spejjeż oħra,” kiteb Aquilina dwar każ fejn min ta l-flus qal ċar li bihom tħallsu l-pagi tas-Segretarju Ġenerali u l-Kap Eżekuttiv.
Dan l-iskandu riegħed lill-Partit Nazzjonalista, partikolarment il-Kap tiegħu, li nqabad kif kien hu li ħoloq din l-iskema. Għal bidu kien qal li din hi relazzjoni kummerċjali iżda meta tad-DB qalu li ma ħadu xejn lura beda jingħad li dan hu sponsorship.
Eventwalent il-Maltatoday żvelat li l-invoices foloz li kienu qed joħorġu bħal parti mill-iskema ħarġu fuq kumpanija Sky Gourmet u Malta Healthcare Caterers li t-tnejn inħolqu għal kuntratti pubbliċi u għalhekk m’għandhom bżonn ebda reklamar. Dan kompla jagħmilha ċara li din kienet għotja diretta. Iżda, l-għexieren ta’ eluf tas-sena l-oħra ma kienux każ iżolat.
Il-KullĦadd kienet żvelat li fl-aħħar snin id-donazzjonijiet ilaħħqu n-nofs miljun ewro. Xi ħaġa li Simon Busuttil prova jiċħad.
Però iktar tard il-Maltatoday irrapportat li min ra l-invoices sab li l-għotjiet kienu jlaħħqu s-sitt mitt elf ewro. Biex għal darb oħra l-Kap tal-Oppożizzjoni spiċċa mgiddeb.
